Reiði í umferðinni!!!

Það er ekkert sem réttlætir þessa keyrslu og ég er viss um að allir sem hafa orðið vitni að þessu hafi fengið reiðihroll og bölvað vænlega.
Reyndar bera allir hnefann við skjáinn hjá mér sem sjá þetta myndband, en af hverju?

Þegar ég sé svona svívirðilega keyrslu ökumanna á íslenskum vegum þá næ ég alltaf að stjórna reiðinni með ákveðnu hugarfari.  Því við vitum aldrei nema þessi ákveðni ökumaður sé á leið að slysstað þar sem einhver nákominn hefur stórslasast og sé kannski við dauða kominn.

Myndum við ekki gera það sama ef við hefðum fengið slæmar fréttir og þyrftum að komast á einhvern stað í hvelli þ.e.a.s. keyra of hratt og kannski taka óþarfa sénsa bara til að verða fljótari.  Ég myndi gera það... Það sem ég er að reina að segja er að oft þá dæmum við of fljótt og álítum fólk brjálæðinga án þess að hugsa til þess að þetta gæti verið tilfellið. Hvernig kemur það okkur við hvort þessi ökumaður sé að keyra svívirðilega eða ekki, myndum við fyrirgefa honum ef einhver nákominn hans væri látinn.

Ég ætla að taka fram að ég er bara að reyna að fá þig til að hugsa pínulítið útfyrir boxið og ekki dæma aðra ökumenn of fljótt ef þeir brjóta á þér og eyðileggja góða sumarskapið.

Þó er ég viss um að í 95% tilfellanna er þetta beinn ruddaskapur eða tillitsleysi en hver veit?
Það er samt alveg kraftaverk að ekkert hafi gerst fyrir þennan ökumann sem tók þennan mikla séns á myndbandinu. Ég vona að hann hafi tekið þennan gríðarlega séns til að sjá síðasta andadrátt einhvers nákomins, en ef ekki þá er þetta gríðarlega heimskur ökumaður. Afsakið orðbragðið...

Vona að þið skiljið hvað ég er að fara hérna...

 

 

 

Hættulegur framúrakstur

Athugasemdir

[Árni Þór Eiríksson, 23.7.2008 kl. 20:01]

Mjög góð pæling...hvað vitum við hin hvað er í gangi um það hvort eitthvað alvarlegt hafi gerst...en það er sennilega meirihluti þeirra sem keyra svona sem er bara að flýta sér alveg ofboðslega (en eru ekkert fljótari á staðinn)...því miður

[Palli (IP-tala skráð) 23.7.2008 kl. 20:04]

Það er nú bara þannig að þegar um "neyðarakstur" er að ræða hjá einstaklingum á sínum einkabílum þá á að merkja bílinn. Og nú langar mig til að vita hvort eitthvað gáfnaljós, sem les þetta blogg og kommentin, viti hvernig á að merkja bíl til neyðaraksturs. Þetta er kennt í ökunáminu. EF um neyðarakstur sé að ræða þá ber fólki samkvæmt lögum að merkja. Þetta er sára einföld merking og hægt að koma henni við í flestum tilfellum. Með því að merkja bílinn er maður að næla sér í "undanþágu", (þó afar takmarkaða) byðja um forgang eins og lögregla og sjúkralyð gerir með bláu ljósunum og vælinu í forgangsaksrti.

Finna má svar við spurningunni á http://www.althingi.is/lagas/126a/1987050.html (takk fyrir að hafa lokað fyrir "link systemið" á þessu bloggi, það hefði komið sér vel núna)

[Landi, 23.7.2008 kl. 20:34]

Það er nú ofureinföld leið að merkja bílinn undir neyðarakstur,og hún er sú að binda hvítt flagg ( td koddaver eða bol ) á útvarpsloftnetið eða að útbúa það á stöng ( Prik ) og festa það við glugga eða á toppgrind...

Einnig ber ökumanni að tilkynna það til lögreglu og fá fylgd eða leyfi þar til að lögregla eða sjúkrabíll kemur til aðstöðar.

Hef sjálfur lent í þessum aðstæðum en var ekki með neitt hvítt til að merkja neyðarakstur,og hafði engan tíma til þess en setti Hazard ljósin á og keyrði með þau og blikkaði bíla statt og stöðugt uns ég var kominn á sjúkrahús suðurnesja en þar tók við fyrsta skoðun læknis á sjúklingi og síðan sjúkrabíll í Reykjavík... (viðmælandi minn á sjúkrahúsinu sem ég talaði við tók það að sér að tilkynna aksturinn til lögreglu minnir mig.

[Arna (IP-tala skráð) 24.7.2008 kl. 08:41]

Ég hafði ekki hugmynd um að það væri hægt að merkja bílinn ef eitthvað svona kæmi uppá.. ekki lærði ég það í ökukennslu.. en gott að vita það :)